Amerıkada balasynan bas tartqan anasy qyzymen 80 jyldan soń kezdesti
ASTANA. QazAqparat - AQSh-ta 1933 jyly balasynan bas tartqan áıel qyzymen 80 jyldan keıin sóılesti, dep jazady The Daily Mail. 83 jastaǵy Dorıenn Hammann 99 jastaǵy Eılın Vagnerge telefon soǵyp: «Amansyń ba, ana» dedi.
Basylym jazyp otyrǵandaı, Vıskonsın shtatynyń turǵyny 16 jasynda zorlanyp, júkti bolyp qalǵan. Vagner dúnıege qyz bala ákelip, ony bala asyraýshy otbasyǵa berdi. Eki áıeldiń kezdesýine Hammannyń kelini kómektesti, ol bala asyrap alý qujattaryn muqııat zerttep, Vagnerdi ǵalamtor arqyly taýyp alǵan.
Vagner men Hammann telefon arqyly birneshe ret sóılesip, aqyry 2016 jyldyń sáýirinde júzdesti. Bıologııalyq ana qyzyna onyń qalaı dúnıege kelgenin túsindirdi.
«Osynshama jasqa kelip, anamnyń bar ekenine áli tiri ekenine sene alar emespin», - dedi Hammann.
Foto: imagebroker / Ulrich Niehoff / Globallookpress.com
