Amerıkada áıel keńse ǵımarattarynda qarýdan oq jaýdyrǵan

VAShINGTON. QazAqparat – Djordjııa shtatyndaǵy Atlanta qalasynda áıel adam kezegimen eki ǵımaratqa kirip, qarýdan oq atty. Saldarynan bir adam kóz jumdy, taǵy ekeýi aýrýhanaǵa jetkizildi, dep habarlaıdy QazAqparat Daily Mail-ge silteme jasap.

Oqıǵa ǵımarattar men qonaqúıler ornalasqan Atlanta qalasynyń Kolonııa alańynda, ortalyqqa jaqyn jerde bolǵan.

Aldymen áıel ǵımarattardyń birinen kirip, rezıdentsııany basqarý keńsesine birneshe ret oq jaýdyrǵan. Qarýly shabýyl saldarynan bir adam qaza taýyp, taǵy bireýi jaraqat aldy.

Odan keıin ol birneshe kvartal jerdegi bıik keńse ǵımaratyna kirip, bir adamdy jaraqattady.

Jaraqat alǵandar jaqyn mańdaǵy aýrýhanaǵa jetkizildi. Olardyń jaǵdaıy belgisiz.

Polıtsııanyń málimetinshe, kúdikti qashyp ketken. Polıtsııany ony Atlantanyń «Hartsfıld-Djekson» halyqaralyq áýejaıynda ustady.

Foto: www.dailymail.co.uk