Amerıkada avtomobıl sherýge shyqqandar tobyna kelip soǵyldy
ASTANA. QazAqparat - AQSh-ta Sharlotsvıll qalasynyń (Vırdjınııa shtaty) ortalyǵynda úsh avtomobıl soqtyǵysty, apattan birneshe adam zardap shekti, dep habarlaıdy reseılik TASS agenttigi.
AP agenttiginiń habarlaýynsha, ereýilge shyqqan topqa kóliktiń biri baryp soǵylǵan. «Sharlotsvıll qalalyq polıtsııasy men Vırdjınııa shtatynyń polıtsııasy qala ortalyǵyndaǵy Ýoter-strıt pen 4-kóshe qıylysyndaǵy úsh kólik soqtyǵysqan jerdi qorshaýǵa alǵan. Ázirge birneshe zardap shegýshi bar ekendigi málim etildi. Oqıǵa ornyna jedel járdemniń erkin ótýi úshin narazylyq aktsııasyna qatysqan adamdar tarqaýy kerek», - delingen polıtsııanyń Týıtterdegi paraqshasyndaǵy jazbada.
Sharlotsvılde senbi tańerteń ultshyldar men olarǵa narazy azamattar arasynda kıkiljińder bastaldy. Ýltraońshyldar jergilikti bıliktiń ortalyqtaǵy Emansıpatsııa saıabaǵynda turǵan Amerıka shtattary konfederatıvtik armııasynyń bas qolbasshysy Robert Edvard Lıdiń (1807-1870) eskertkishin alyp tastaý jónindegi sheshimine qarsy sherýge shyqpaq bolǵan. Narazylyq aktsııasy saǵat 12:00-ge josparlanǵanymen, jaǵdaı baqylaýdan shyǵyp ketkendikten sherý ótkizýge tyıym salynǵan.
