Amerıkada aýa temperatýrasy 50 gradýsqa jetip, rekord ornatty
ASTANA. 1 shilde. QazAqparat - AQSh-tyń batys aımaǵynda aýanyń temperatýrasy 50 gradýsqa jetip, rekord ornatty. Bılik ókilderi turǵyndarǵa ystyq kún astynda kóp júrmeý kerektigin eskertti.
Las-Vegasta kondıtsıonersiz páterde ómir súrgen egde jastaǵy er adam kúnniń ystyǵynan qaza tapty, dep habarlaıdy VVS.
Sońǵy ýaqytta kúnniń aptap ystyǵy Kalıfornııa, Nevada jáne Arızonnyń ońtústik aımaǵynda kúsheıdi. Búgin aýa temperatýrasy 57 gradýsqa deıin joǵarylap, rekordtyq kórsetkishke jetýi múmkin. Sońǵy ret mundaı aýa raıy osydan 100 jyl buryn Kalıfornııadaǵy Ólim dalasynda tirkelgen bolatyn.
