Amerıkada alǵash ret antıbıotıkterge tózimdi bakterııa anyqtaldy
ASTANA. QazAqparat - AQSh-ta belgili antıbıotıkterdiń eshqaısysymen emdeýge kelmeıtin bakterııalyq ınfektsııa alǵash ret tirkeldi, dep habarlady Reıter agenttigi.
«Sýperbakterııa» sáýirdiń sońynda nesep júıesiniń ınfektsııasyna shaǵymdanyp kelgen Pensılvanııa shtatyndaǵy 49 jastaǵy áıelden tabylǵan.
Bakterııany zerttegen ǵalymdar onyń mcr-1 genin taratqan DNK bóligi - plazmıdtiń áserine ushyraǵanyn anyqtady.
Qazirgi kezde ǵalymdar mcr-1 geniniń AQSh-ta qanshalyqty taraǵanyn anyqtaý maqsatymen zertteýlerin jalǵastyrýda.
Eń sońǵy antıbıotık kolıstın áser etpeıtin bakterııanyń paıda bolýyn mamandar Qytaıda aýyl sharýashylyǵy salasynda antıbıotıkti shekteýsiz paıdalanýy sebep boldy dep sanaıdy. Qazir Dúnıejúzilik densaýlyq saqtaý uıymy antıbıotıkti paıdalanýdy barynsha tyıýǵa keńes beredi.
