Amerıkada 2-dúnıejúzilik soǵys kezindegi ushaq qulady
ASTANA. QazAqparat - Ekinshi dúnıejúzilik soǵys kezinde shyǵarylǵan jeńil motorly ushaq nıý-Iork qalasyna jaqyn jerdegi Gýdzon ózenine qulady, dep habarlaıdy Reuters agenttigi.
Qutqarýshylar sýdan bir adamdy aman alyp shyqty. Bortta qansha adam bolǵany áli belgisiz. Sondyqtan qazirgi ýaqytta súńgýirler ushaqtaǵy bolýy múmkin basqa adamdardy izdestirýde.
Eldiń avıatsııa salasy ókilderiniń aıtýynsha, apatqa ushyraǵan P-47 Thunderbolt ushaǵy. Ol taǵy eki ushaqpen birge Nıý-Iork shtatynyń Farmıngdeıl qalasy áýejaıynan ushyp shyqqan. Al eki ushaq jerge aman-esen qonǵan.
Ushaqtyń nelikten apatqa ushyraǵanyn qutqarýshylar men polıtseıler aıta almaı otyr.
