Amerıkada 15,6 myń jyl burynǵy adam izi tabyldy
NUR-SULTAN. QazAqparat - Amerıkada ǵalymdar 15,6 myń jyl buryn ómir súrgen adamnyń izin tapty. Bul týraly CNN basylymy jazdy.
Basylymnyń jazýynsha, bul jańalyq Amerıkada alǵashqy adamdar ǵalymdar oılaǵannan da erterek paıda bolǵanyn kórsetedi.
«Paleontologtardyń aıtýynsha, ichnofossil nemese ichnite dep atalatyn iz ejelgi adamǵa tıesili. Jerdiń betki qabatynda saqtalyp qalǵan bul iz Chılı qalasynda Pılaýko aralynda 2010 jyly tabylǵan. Sol ýaqyttan beri ǵalymdar on jyl boıy izdiń qaı kezeńge tıisili ekenin anyqtaý úshin kóptegen zertteý júrgizdi. Ol jerge jaqyn mańda mastadont sekildi ejelgi janýarlarrdyń súıekteri tabylsa da, ǵalymdar komandasy bul iz adamǵa tıesili ekenin anyqtady. Sonymen qatar sol jerge jaqyn mańda tas quraldardyń tabylýy ǵalymdardyń bul pikirin nyqtaı tústi», dep jazady basylym.
Avtordyń aıtýynsha, Pılaýko jeri Monte-Verde atty tanymal arheologııalyq eskertkishten 100 shaqyrym jerde ornalasqan. Bul jańalyq Pılaýko jerinde ejelgi adamda 13,5 myń jyldan da erterek bolǵanyn kórsetti.
Ǵalymdardyń aıtýynsha, ejelgi adamdar 16 myń jyldan da erterek ýaqytta Azııadan qaıyqpen Tynyq Muhıty arqyly Soltústik jáne Ońtústik Amerıkaǵa barǵan.
