Amerıka soty 48 jyl túrmede otyrǵan adamdy aqtady

Amerıkanyń Oklahoma shtatynyń soty jasamaǵan qylmysy úshin 48 jyl túrmede otyrǵan Glınn Sımmonsty aqtady. Kazinform bul týraly VVS jańalyqtaryna silteme jasap habarlaıdy. 

Bastapqyda oǵan tipti ólim jazasy kesilgen. Bul – AQSh-taǵy zańsyz sottaý nátıjesinde túrmede otyrǵan eń uzaq merzim.

70 jastaǵy Glınn Sımmons shilde aıynda aýdandyq sot onyń isindegi mańyzdy dálelder (óz ýaqytynda) advokattaryna berilmegen degen úkim shyǵarylǵannan keıin bosatyldy.

Aýdandyq prokýror dúısenbide jańa sot talqylaýyna negiz bolatyn dálelder jetkiliksiz ekenin aıtty. Al seısenbide sýdıa Emı Palýmbo Sımmonsty kináli emes dep jarııalady.