Amerıka prodıýserler gıldııasy jyldyń úzdik fılmin atady
ASTANA. QazAqparat - Los-Anjeleste (AQSh) Amerıka prodıýserler gıldııasynyń (PGA) 30-shy jyl saıynǵy syılyǵyn tapsyrý rásimi boldy. Onda jyldyń úzdik fılmi anyqtaldy, dep habarlaıdy QazAqparat gıldııanyń Twitter paraqshasyna silteme jasap.
Bas júlde «Jasyl kitap» fılmine berildi.
Rejısser Pıter Farrelıdiń kınokartınasy djaz pıanısi, Qurama Shtattardyń ońtústigin túgel aralap shyqqan daryndy mýzykant týraly syr shertedi.
PGA bas júldesine: Braıan Sıngerdiń «Begomalyq rapsodııa», Bredlı Kýperdiń «Juldyz týǵanda», Alfonso Kýaronnyń «Roma», Raıan Kglerdiń «Qara pantera», Djon M. Chýdyń «Shirigen baı azııalyqtar», Djon Krasınskıdiń «Tym-tyrysta», Adam Makkeıdiń «Bılik», Iorgas Lantımostyń «Favorıt qyz», Spaık Lıdiń «Qara klan múshesi» fılmderi úmitker boldy.
Gıldııanyń tujyrymy boıynsha úzdik anımatsııalyq fılm atalymy - «Órmekshi adam: ǵalamdar toǵysqanda» fılmine, dramalyq telehıkaıa atalymy - «Amerıkalyqtar» telehıkaıasyna, komedııalyq telehıkaıa atalymy - «Ǵajaıyp mıssıs Meızel» kartınasyna berildi. Al «Maǵan kórshi bolamysyń?» úzdik derekti fılm atandy.
