Amerıka polıtsııasy «Lamborgını» mingen Betmendi ustap aldy
ASTANA. 28 naýryz. QazAqparat - AQSh-tyń Merılend shtatyndaǵy Montgomerı okrýginiń tártip saqshylary úlken jyldamdyqpen kele jatqan «Lamborgını» avtokóligin toqtatty.
Onyń rýlinde Gollıvýd fılminiń keıipkeri Betmenniń kostıýmin kıgen Lennı Robınson atty jergilikti azamat bolǵan, dep habarlaıdy Huffington Post.
Aqparat kóziniń málimetinshe, quqyq qorǵaý qyzmetkerleri «sýperbatyrdyń» kóliginde memlekettik nómir bolmaǵandyqtan ony ustaýǵa májbúr bolǵan.
Anyqtalǵanyndaı, Robınson osy kıimdi únemi kıip alyp, aımaqtyń aýrýhanalarynda emdelip jatqan balalardyń kóńilin kóterýge jıi baryp turady eken.
Montgomerı polıtsııa bólimshesinde málim bolǵandaı, olar Betmenǵa kólikti nómirsiz júrgizgeni úshin eskertý jasap, saparyn odan ári jalǵastyrý úshin bosatqan.
