Amerıka polıtseıleri múgedek arbaǵa tańylǵan qaranásildini atyp tastady - VIDEO
ASTANA. QazAqparat - Amerıkanyń Delaver shtatyndaǵy Ýılmıngton qalasynyń polıtsııa ofıtseri 24 qyrkúıekte tártip saqshysynyń «qarýyńdy tastap, qolyńdy kóter» degen talabyn oryndamaǵan qaranásildi arbadaǵy múgedek er adamdy atyp tastady. Aldyn ala nusqa boıynsha, Djeremı Makdoýl 0,38 dıýım kalıbrli tapanshamen qarýlanǵan. Bul týraly CNN telearnasy habarlady.
Polıtsııanyń aıtýynsha, múgedek tapanshasyna qol sala bergende saqshylar oq atqan. Tártip saqshylary Makdoýldyń aınalasyndaǵy adamdarǵa oq atýy múmkin dep qoryqqan. Óz áriptesterin qorǵamaq bolǵan ofıtserlerdiń biri ony atyp óltirdi.
Alaıda óltirilgen er adamnyń anasy bolǵan oqıǵanyń óz nusqasyn aıtyp otyr. Ǵalamtorda jarııalanǵan vıdeoǵa júgine oyryp, ol ulynyń qarýdy alyp shyqpaǵanyn, qoldary oq atý kezinde tizesinde bolǵanyn aıtyp sendirýde. Fıllıda Makdoýl tártip saqtaý ókilderiniń nelikten oq atqanyn túsinbeıtinin aıtyp, bolǵan oqıǵany «úlken ádiletsizdik» dep atady. Eskertý: Vıdeo qatygez sıpatta túsirilgen!
