Amerıka Qurama Shtattaryn tornado taǵy da qyspaqqa aldy
ASTANA. 4 naýryz. QazAqparat - AQSh budan birneshe kún buryn 13 adamnyń ómirin qıǵan qýatty tornadodan esin jııa almastan elge tabıǵı apattyń jańa tolqyny bas saldy.
Taǵy da Ortalyq Batys jáne Ońtústik - Alabama, Tennessı, Kentýkkı, Indıana, Mıssýrı jáne Mıssısıpı shtattary zardap shekti, dep habarlady ITAR-TASS.
AQSh Ulttyq meteorologııalyq qyzmetiniń málimetteri boıynsha el aýmaǵynda alty tornado kúshine minip tur, taǵy 15-ten astam tornado bolady dep jarııalandy. Keıbir jerlerde daýyldyń ornyna nóser men burshaq jaýǵan. Aıtalyq, Alabamada jaýǵan burshaqtyń úlkendigi golf dobynyń kólemindeı bolǵan.
Qurban bolǵandar men zardap shekkenderdiń dál málimetteri álii túsken joq, biraq ta bir ǵana Indıana shtatynda keminde bes adam qaza boldy, aımaqta jaralanǵandardyń sany tipti júzdegen adamdy quraıdy. Júzdegen úıler qırap, elektr jelileri úzilgen. Apat saldarynan keltirilgen zııan mıllıondaǵan dollarǵa jetken.
Merısvıld qalasy (Indıana shtaty) túgeldeı jermen-jeksen bolǵan. Alabamada qaýipti qylmyskerler túrmesine eleýli nuqsan kelgen. Kóptegen qalalarda mektepter men ýnıversıtetter jabylǵan.
AQSh Ulttyq meteorologııalyq qyzmeti sınoptıkteriniń aıtýynsha, tornado jyldyń osy mezgilinde eldiń ortalyq jáne ońtústik aýdandaryndaǵy qalypty qubylys bolyp sanalady. Ótken jyly osyndaı tabıǵat apatynyń saldarynan 550-den astam adam kóz jumǵan bolatyn.
2011 jyly rekordtyq derlik - 1709 tornado daýyly bolsa, meteorologtardyń eskertýinshe, bıyl odan da kóp bolýy múmkin. Ǵalymdar tabıǵattyń tosyn minezi ǵalamshardaǵy klımattyń jahandyq jylynýymen jáne Meksıka shyǵanaǵynyń betinde sý temperatýrasynyń kóterilýimen baılanysty dep sanaıdy.
