Amerıka kınoakademııasynyń quramy «Oskar» úmitkerlerine qatysty daýǵa baılanysty ózgeredi
ASTANA. QazAqparat - Amerıkanyń kıno óneri akademııasy quramyna «Oskar» syılyǵy nomınatsııasy aınalasynda týyndaǵan daý-damaıǵa baılanysty eleýli ózgerister engizýdi qolǵa aldy. Buǵan kıno salasynyń beldi ókilderiniń narazylyǵy áser etip otyr, óıtkeni syılyqtan 20 úmitkerdiń ishinde birde-bir qara násildi ártis bolmaı shyqqan.
Amerıka kınoakademııasynyń prezıdenti Sherıl Býn Aızeks osyndaı málimdeme jasady.
«Bul kúrdeli ári mańyzdy másele. Bárin ózgertetin ýaqyt keldi. Akademııa óz músheleriniń quramyn ózgertý úshin túbegeıli qadam jasaıtyn bolady», - dep habarlady Aızeks.
«Oskar» syılyǵynyń ıegerleri 28 aqpanda belgili bolady. 88-shi saltanatty rásim «Dolbı» teatrynda ótedi. Ony álemniń 225 eline ABC telekompanııasy tikeleı efırde kórsetedi.
