Amerıka ǵalymdary sýda ezilip ketetin batareıa oılap tapty
ASTANA. QazAqparat - Aıova shtatyndaǵy ǵylym jáne tehnıka ýnıversıtetiniń ǵalymdary ekologııalyq lıtıı-ıondyq akkýmýlıatorlyq batareıalardy qurastyrdy. Olar sýda 30 mınýtta erıdi. Bul týraly ýnıversıtet saıtynda habarlandy.
Joba avtory professor Reza Montazamı ózdiginen joıylatyn elektronıkany óndirýge jol ashatyn tehnologııany qurastyrý jumystarymen aınalysady. Endi Montazamı mundaı jabdyqtarda paıdalanyla alatyn qýat berý bólshegin qurady.
Batareıka bólshekteri sýda isinip jarylady, keıin joıylady.
Batareıanyń joıylmaıtyn bólshekteri nanobólshekter retinde ydyraıdy.
Qýat bergish ólshemi - uzyndyǵy 5 mıllımetr, eni 6 mıllımetr, qalyńdyǵy 1 mıllımetr. Ol 2,5 voltty qýat beredi jáne ústel kalkýlıatorynyń 15 mınýttyq jumysyn qamtamasyz etedi.
«Ózdiginen joıylatyn elektronıka áskerı qupııalardy kóshirýden saqtaıdy. Ol naýqas denesinen almaýǵa bolatyn medıtsınalyq ımplanttar jasaýǵa kómektesedi. Osyndaı ádispen qorshaǵan orta parametrlerin ólsheıtin datchıkter qurastyra alamyz» - dedi Aıova shtatyndaǵy ýnıversıtettiń mehanıkalyq ınjenerııa professory Reza Montazamı.
