Amerıka ǵalymdary A.Baraev ortalyǵynda boldy
Atalǵan ortalyq málimetinshe, sapar kezinde amerıkalyq delegatsııa A.Baraev atyndaǵy AShǴÓO bas dırektory Kenje Abdýllaevpen kezdesip, mal azyǵyn daıyndaý salasyndaǵy yntymaqtastyqtyń múmkindikterin talqylap, synaq ótkiziletin egis alqaptaryn kórdi.
Kezdesý kezinde A.Baraev atyndaǵy AShǴÓO bas dırektory amerıkalyq áriptestermen agrarlyq salada yntymaqtastyq ornatýdyń mańyzdy ekendigin atap ótti. K.Abdýllaev kásiporynnyń negizgi qyzmetiniń baǵyttary men zertteýlerdiń ǵylymı-tájirıbelik nátıjelerimen tanystyrdy.
Sondaı-aq, delegatsııa múshelerine Soltústik Qazaqstandaǵy mal azyǵy óndirisiniń damýy baıandalyp, astyq daqyldarynyń sapasyn baǵalaý qondyrǵylary men tásilderi kórsetildi. 
Ortalyqtyń naqty eginshilik polıgonyn on-laın rejimde basqarý protsesimen tanysqan delegatsııa músheleri jobany basqarý Ortalyǵynyń múmkindikterin joǵary baǵalady. Jańa tehnologııalardy paıdalanýǵa negizdelgen naqty eginshilik júıesi ónimdilikti arttyryp, shaǵyndy azaıtýǵa múmkindik beredi. Atalǵan joba protsesterdi ońtaılandyryp, avtomattandyrady. Bul tıimdilik pen ónim sapasynyń artýyna jol ashady.
2018 jyldan beri A.Baraev atyndaǵy AShǴÓO-nda óndiriske aqyldy tehnologııalar men tsıfrlandyrýdy engizýdi qarastyratyn naqty eginshilik jobasy iske asyrylyp keledi. Bul - egin túsiminiń 2,5 ese artýyna múmkindik berdi.
