«Amerıka daýysy» men «Azattyq radıosynyń» qyzmetkerleri demalysqa jiberildi

ASTANA. KAZINFORM – Tramp ákimshiligi qyzmetkerleriniń barlyǵy derlik aqyly demalysqa jiberilgen «Amerıka daýysy» men «Azat Eýropa jáne Azııa radıosyn» qarjylandyrýdy aýqymdy túrde qysqartyp jatyr.

«Америка дауысы» мен «Азаттық радиосының» қызметкерлері демалысқа жіберілді
Коллаж: Kazinform

Tramptyń qysqartýdy talap etetin buıryǵy Voice of America», «Radio Free Europe and Asia» jáne «Radio Marti»-ǵa, sondaı-aq Výdro Vılson atyndaǵy Halyqaralyq ǵalymdar ortalyǵy, AQSh-tyń baspanasyzdyq jónindegi vedomstvoaralyq keńesi jáne Qoǵamdastyqty damytýdyń qarjy ınstıtýttary qory sııaqty basqa da memlekettik organdarǵa qatysty.

«Voice of America» bas dırektory Maık Abramovıtstiń habarlaýynsha, onyń 1300-ge jýyq qyzmetkeri aqyly demalysqa shyqqan. Qyzmetkerler AQSh-tyń Jahandyq medıa agenttiginiń (USAGM) kadrlyq bólim agenttiginen olardyń federaldy qarjylandyrýynyń toqtatylǵany týraly elektrondyq poshta habarlamasyn aldy, dep habarlaıdy BBC. 

USAGM sonymen qatar «Azattyq radıosyna» granttardy toqtatý týraly habarlandyrý jiberdi. Hatta qyzmetkerlerdiń ákimshilik demalysqa shyǵarylǵany jáne «basqa habarlama alǵanǵa deıin» jalaqy men járdemaqy alýdy jalǵastyratyny aıtylǵan, - dep habarlady LiveNOW Fox. 

Chehııanyń Syrtqy ister mınıstri ıAn Lıpavskıı Eýropalyq Odaq «Azat Eýropa» radıosynyń Pragada jumysyn jalǵastyrýǵa kómektesetinine úmit bildirdi. Ol eýropalyq syrtqy ister mınıstrlerinen BAQ qyzmetin ishinara jalǵastyrý joldaryn tabýdy suraıtynyn aıtty.

AQSh úkimetiniń shyǵyndaryn jappaı qysqartýdy qadaǵalap otyrǵan mıllıarder jáne Tramptyń bas keńesshisi Ilon Mask «Amerıka daýysy» radıostantsııasyn jabýǵa shaqyrý úshin óziniń X áleýmettik medıa platformasyn paıdalandy.

Buǵan deıin Tramp jeti federaldyq agenttikte qysqartý júrgizýdi buıyrǵanyn jazǵan bolatynbyz.

Сейчас читают