Amerıka chempıonatynyń fınalyndaǵy sátsizdikten soń Messı ulttyq quramadan ketetinin málim etti
ASTANA. QazAqparat - Áıgili fýtbolshy Lıonel Messı Argentına ulttyq quramasy sapyndaǵy mansabyn aıaqtaǵanyn habarlady. Ol mundaı sheshimge komandanyń Amerıka kýbogy fınalyndaǵy sátsizdiginen keıin kelgen, dep jazady massaget.kz.
«Meniń ulttyq quramadaǵy mansabym aıaqtaldy. Men qolymnan kelgenshe barlyǵyn jasadym. Chempıon atanbaǵanymyz ókinishti.
Men ulttyq qurama sapynda iri dodanyń fınalyna tórt ret shyqtym. Barlyǵynda jeńiske jetý úshin barymdy saldym. Biraq buıyrmady. Osymen barlyǵy aıaqtaldy», - dedi fýtbolshy.
Argentına ulttyq quramasynan Lıonel Messıden ózge Serhıo Agýero men ózge de birneshe fýtbolshy qosh aıtyspaq. Olar ázirge bul sheshimderin resmı túrde málimdegen joq.
Aıta keteıik, Lıonel Messı Argentına ulttyq quramasyndaǵy alǵashqy oıynyn 2005 jyly ótkizgen bolatyn. Odan bergi aralyqta 112 oıynda 55 gol soqqan. Ol - ulttyq qurama sapyndaǵy eń úzdik surmergen.
