Amerıka áskerılerin qalta drondarymen jabdyqtamaq
ASTANA. QazAqparat - Amerıkanyń áskerıleri 2018 jylǵa qaraı sarbazdardy shaǵyn drondarmen jabdyqtaýdy kózdep otyr. Osyndaı úlken ushý apparattary aýqymdy ahýaldy baǵalaı alady, degenmen ony jabyq ǵımarattarda paıdalaný qıynǵa soǵady.
Black Hornet atty shaǵyn drondy Norvegııa men Ulybrıtanııanyń armııasy qoldanyp júr.
Amerıkanyń áskerıleri shaǵyn drondardy shyǵarýǵa ketetin shyǵyndy azaıtpaq. Óıtkeni Black Hornet qolmen jınalatyndyqtan, onyń baǵasy qymbat - 18 gramm apparattyń bireýiniń quny 190 myń dollar turady.
Jańadan ázirlenetin ushý apparattaryna belgili talaptar qoıylady: salmaǵy 150 grammnan aspaýy tıis, avtonomdy ushý ýaqyty - 15 mınýt, qashyqtyǵy - 1,2 myń metrge deıin bolýy kerek, dep jazady Army Times.
Sonymen qatar, shaǵyn drondar qanyqtylyǵy men dáldigi joǵary vıdeokameralarmen jabdyqtalýy tıis.
