American Airlines ushqyshy áýejaıǵa qonar kezde qaıtys boldy
ASTANA. QazAqparat - American Airlines áýekompanııasynyń Boeing 737-800 ushaǵynyń ekinshi ushqyshy Albýkerke áýejaıyna qonar sátte kóz jumdy. Bul týraly Vesti.az habarlady.
Ushaq sátti qonǵan. Ushý-qoný jolaǵynda ekıpajdy dárigerler kútip turdy. Aq halattylar júrek-ókpe reanımatsııasyn jasaǵanymen, ushqyshtyń ómirine arasha túse almady.
Eldiń azamattyq avıatsııanyń federaldy basqarmasy ushaqtyń Dallastan Albýkerkege baǵyt alǵandyǵyn aıtady. Qonýǵa birer shaqyrym qalǵanda áýe kemesiniń kapıtany «medıtsınalyq máselege» baılanysty ushaqta tótenshe jaǵdaı jarııalaǵan.
