«American Airlines» ushaǵy apatty jaǵdaıda San-Frantsısko áýejaıyna qondy
LOS-ANDJELES. QazAqparat - «American Airlines» kompanııasynyń Boeing-757 jolaýshylar ushaǵy San-Frantsısko (Kalıfornııa shtaty) halyqaralyq áýejaıyna apatty jaǵdaıda qondy, dep habarlady «TASS».
NBC telearnasy habarlaǵandaı, salonda qysym joǵalǵandyqtan ushaq qonýǵa májbúr bolǵan. Bortta bolǵan jolaýshylar men ekıpaj múshelerinen zardap shekken eshkim joq.
Al, áýekompanııa ókilderi jaǵdaıǵa qatysty óz tujyrymyn aıtyp otyr. Olardyń málimdeýinshe, qysymǵa qatysty másele bolmaǵan, eger bolǵan jadaıda, jolaýshylardyń ottegi betperdeleri avtomatty túrde iske qosylatyn edi. Ushaq San-Frantsıskodan Dallasqa (Tehas shtaty) bara jatqan.
