American Airlines kompanııasynyń ushaǵy lańkestik áreket týraly qoqan-loqynyń saldarynan joldan qaldy
ASTANA. Tamyzdyń 20-sy. QazAqparat - San-Frantsısko áýejaıynda tótenshe oqıǵa oryn aldy. Beısenbi, tamyzdyń 19-y kúni lańkestik áreket týraly qoqan-loqynyń saldarynan American Airlines kompanııasynyń Nıý-Iorkke ushqaly turǵan Boeing 767 jolaýshylar ushaǵy joldan qaldy.
Jergilikti quqyqqorǵaý organdaryndaǵy derekkózdiń habarlaýynsha, belgisiz bireý polıtsııaǵa qońyraý shalyp laıner bortyna bomba qoıylǵanyn habarlaǵan. Bul kezde ushaqtyń ishine kirip jaıǵasyp qoıǵan jolaýshylar, dereý aerovokzal ǵımaratyna kóshirilgen. Olar qaıtadan tekserýden ótkizilgen, dep habarlaıdy RBK agenttigi.
Derekkóz oqıǵanyń mán-jaıy týraly basqa eshqandaı aqparat keltirmegen. Degenmen, keıbir málimetter boıynsha, laınerdi basyp alý áreketi oryn alǵan. Kýágerlerdiń aıtýynsha, qoldaryna kisen salynǵan eki jolaýshy ushaqtan alyp shyǵarylǵan.
Ushaq bortynda 174 adam bolǵan, onyń 11-i - ekıpaj músheleri. Barlyǵy aman-esen.
