«American Airlines» áýe kompanııasynyń ushaǵymen ushý kezinde 15 jolaýshy zardap shekti
ASTANA. QazAqparat - American Airlines áýe kompanııasynyń Seýlden Dallasqa ushqan reısi ushaǵynda 15 jolaýshy laınerdiń týrbýlentti aımaqqa túsýine baılanysty túrli jaraqattar aldy, dep habarlaıdy Meduza.
Ushaq ekıpajy shuǵyl túrde baǵytyn aýystyryp, bortty Japonııanyń Narıta áýejaıyna qondyrýǵa májbúr boldy. Onda mamandar áýe kóliginen tabylýy múmkin aqaýlardy izdestirýde, odan keıin ushaq óz saparyn jalǵastyrady. American Airlines-tyń resmı ókilderi Dallasqa ushqan ushaq oqıǵasyna baılanysty ázirge eshqandaı túsinikteme bergen joq.
