Amelına Bakıeva Bahreınde jasóspirimder arasynda ótip jatqan Azııa oıyndarynda altyn aldy

ASTANA. KAZINFORM – Qazaqstannyń MMA quramasynyń ókili Amelına Bakıeva Manamada (Bahreın) ótip jatqan 2025 jylǵy Azııa oıyndarynda altyn medaldy jeńip aldy, dep habarlaıdy Ulttyq olımpıadalyq komıtet.

Fınalda ol 50 kelige deıingi salmaq dárejesinde úndistandyq Shrııa Satamdy merziminen buryn jeńdi.

Qazaqstan qorjynynda qazir úsh altyn bar. Osyǵan deıin medaldardy shossedegi velosport komandasy men taekvondoshy Aıym Serikbaeva aldy.

Keshe Bahreınde ótip jatqan III jasóspirimder arasyndaǵy Azııa oıyndarynda qazaqstandyq sportshylardyń nátıjelerin jarııaladyq.

Azııa oıyndary jas sportshylardyń halyqaralyq deńgeıdegi tájirıbesin shyńdap, el quramasynyń áleýetin aıqyndaı tústi. Qazirgi tańda Qazaqstan quramasy jalpykomandalyq esepte turaqty túrde úzdikter qatarynda keledi.