Ambýlatorlyq ýrologııa ortalyǵynda Ashyq esik kúnderi ótedi

Saǵat 14-ten saǵat 18-ge deıin ýrologtar aqysyz qabyldaý ótkizetin bolady, oǵan keńes berý jáne tolyq tekserý kiredi. Osy kúnderi barlyq kelýshiler tegin tekserýlerden óte alady jáne er adamnyń densaýlyǵy salasyndaǵy jetekshi mamandardyń qabyldaýyna kire alady, dep habarlady baspasóz qyzmeti.

Aktsııanyń negizgi maqsaty - ýrologııalyq aýrýlar men olardyń saldary týraly, sondaı-aq ózbetimen emdelýdiń zııany týraly jáne mamanǵa ýaqytynda barýdyń qajettiligi týraly er adamdarǵa aqparat berý.

Búginde erlerdiń ýrologııalyq aýrýlarynyń problemalary kóbeıip ketti: ósý qarqyny boıynsha bul aýrýlar júrek-qan tamyry júıesiniń aýrýlarynan asyp ketti. 2008 jyly eldegi urpaq órbitý jasyndaǵy (15-59 jastaǵy) 100 000 er adamnan qýyqasty beziniń aýrýyna 259 shaǵym túsken.

Búginde Qazaqstanda erli-zaıyptylardyń 15-20 paıyzynyń ár besinshi juby bedeýlikten zardap shegip otyr. 45 paıyzynda er adam «kináli» bolyp keledi. Alaıda bul tsıfrlar shynaıy jaǵdaıdan alys, óıtkeni urpaq órbitý júıesi patalogııasy bar kóptegen er adamdar arnaıy mamanǵa medıtsınalyq kómek suraýǵa barmaıdy.

Ýrologııalyq aýrýlardyń saldary óte qaýipti bolǵandyqtan, ýrologııalyq aýrýlardy erte kezeńinde emdeýdi bastaǵan jón. Aktsııany uıymdastyrýshylardyń pikiri boıynsha, osyǵan uqsas tekserýlerdi ótkizý er adamdardaǵy ýrologııalyq aýrýlardy erte anyqtaýǵa kóz jetkizýge bolatyndyǵyn kórsetedi.

Aktsııany ótkizý kúnderi emdelýshilerge qolaıly bolý úshin birneshe tekserý jáne konsýltatsııalyq kabınetter bólinetin bolady.