Ambýlatorııalyq-emhanalyq kómek kórsetetin 35 mekeme «Kezeksiz emhana» baıqaýynyń jeńimpaz boldy - QR DSM
ASTANA. 23 qańtar. QazAqparat - «Kezeksiz emhana» baıqaýynyń qorytyndysy boıynsha ambýlatorııalyq-emhanalyq kómek kórsetetin 35 uıym jeńimpaz bolyp tanyldy»,-dep habarlaıdy Densaýlyq saqtaý mınıstrliginiń baspasóz qyzmeti.
Qazaqstan Respýblıkasynyń Densaýlyq saqtaý mınıstrligi 2011 jyldyń 20 jeltoqsanynda «Kezeksiz emhana» respýblıkalyq baıqaýyn jarııalaǵan bolatyn. Atalǵan is-shara respýblıka boıynsha jedel jáne sapaly medıtsınalyq kómek kórsetetin, kezekteri joq jáne emhana qyzmeti retke keltirilgen eń úzdik emhanany anyqtaýǵa baǵyttaldy. Jeńiske jetken uıym ókilderi biliktiligin arttyrý jáne bastapqy medıtsınalyq-sanıtarıalyq kómek uıymdarynyń jumys tájirıbesimen tanysý úshin shetelderge jiberiletin bolady. Qazaqstan Respýblıkasy Densaýlyq saqtaý mınıstrligi baıqaýdy ári qaraı jalǵastyrý jóninde sheshim qabyldady jáne oǵan emhanalarmen qatar dárigerlik ambýlatorııalar da qatysa alady.
