Ámbebap bankterge ıslamdyq bank operatsııalaryn júzege asyrý quqyǵy berilmek

ASTANA. KAZINFORM – Ámbebap bankterge ıslamdyq bank operatsııalaryn júzege asyrý quqyǵy berilmek. Bul týraly Májilistiń jalpy otyrysynda bank qyzmeti týraly zań jobasyn tanystyrǵan Qarjy naryǵyn retteý jáne damytý agenttiginiń tóraǵasy Mádına Ábilqasymova aıtty.

- Qarjylandyrýdyń balama tetikterin damytý úshin ámbebap bankterge qolda bar lıtsenzııa aıasynda ıslamdyq bank operatsııalaryn júzege asyrý quqyǵyn berý kózdeledi, - dedi agenttik tóraǵasy.

Onyń aıtýynsha, bul normalar bankterge jeke bankti qurmaı, óz qurylymynda arnaıy bólimsheler qurý arqyly ıslamdyq ónimderdi usynýǵa múmkindik beredi.

- Zań jobasynda ıslamdyq qyzmetti uıymdastyrýshylyq turǵydan oqshaýlaý, aktıvter men mindettemelerdi bólek esepke alý jáne basqarý, jeke qyzmetkerlerdi bólý, sondaı-aq qarjy ónimderin bekitetin jáne aýdıt júrgizetin sharıǵatqa sáıkestik jónindegi keńestiń bolýy kózdelgen, - dedi Mádına Ábilqasymova.

Buǵan deıin el aýmaǵynda tsıfrlyq qarjy aktıvteriniń aınalymyna ruqsat berilýi múmkin ekenin jazǵan edik.