Amazonka djýnglıinde týrıster ózge planetalyqty túsirip aldy
ASTANA. 25 qazan. QazAqparat - Ǵaıyptan paıda bolǵan ózge planetalyq túsip qalǵan sensatsııalyq beıneni Amazonııa ný ormanynda brıtandyq týrıster túsirip alǵan. Jazbanyń túpnusqalyǵyn tanymal ýfolog, NASA-nyń burynǵy qyzmetkeri Maıkl Koen de qýattap otyr, dep habarlady bnews.kz saıty.
Mamaýs atty jerde jergilikti turǵyndardy kameraǵa túsirip júrgen brıtandyqtar kadrlardy qaıta kórý kezinde orman arasynda artqy fonda gýmanoıd tıptik ózge planeta ókilderine qatty uqsas tirshilik ıesiniń turǵanyn ańǵaryp qalady, dep jazady Travel Daily.
Maıkl Koenniń sózine qaraǵanda, avtorlary oǵan tekserýge jibergen jazba túpnusqa bolyp tabylady. Jáne onda shynymen ózge planeta ókili túsip qalǵan.
«Bul shynymen de ózge planetalyq. Olardy osyndaı kishkentaı, sur ári basy úlken qylyp sýretteýshi edi ǵoı ádette. Al jaryq shaǵylysyna keletin bolsaq, ol kelimsektiń ózge planetadan ushyp kelgen kóliginen shyǵýy múmkin», - dedi Koen.
Koenniń brıtan týrısteri túsirip alǵan beınesindegi gýmanoıd anyq ári onyń túpnusqalyǵyna shúbá keltirýge bolmaıdy degenine qaramastan, birqatar skeptıkter beıneni zerttep, birneshe kemshilikterin anyqtaǵan. Olardy gýmanoıdtyń jalpyǵa ortaq obrazǵa uqsaýy jáne onyń múlde qozǵalmaýy qatty kúdiktendiredi. Onyń kóliginen shyqqan jarqyl da bir orynnan qozǵalar emes.
Jalpy alǵanda, ýfologtardyń úshten biri ózge planeta ókiliniń ras ekenine senimdi jáne sonsha adam onyń jalǵan ekenin alǵa tartýda, qalǵan úshten biri áli ortaq sheshimge kelip úlgermegen, dep habarlaıdy Ytro.ru.
