Amazon men Google-de jumys isteıtin qazaqstandyqtardy elge shaqyrý kerek - Atameken UKP

ASTANA. QazAqparat - «Atameken» ulttyq kásipkerler palatasy tóraǵasynyń orynbasary Oljas Ordabaev shetelde IT-salada jumys istep júrgen qazaqstandyqtardy elge shaqyrýdy usyndy, dep habarlaıdy QazAqparat tilshisi.

«Qazirgi ýaqytta Qazaqstanda IT-mamandardyń azdyǵy baıqalady. Biraq bul defıtsıt barlyq memleket tapsyrystarynyń qazaqstandyq kompanııalarǵa berilmeýimen baılanysty. Álemde kóptegen qazaqstandyqtar túrli IT-kompanııalarda jumys istep júr. 300-de jýyq qazaqstandyq Amazon-da, 100-ge jýyq adam Google-da jumys isteıtinin estigende tań qaldyq. Trip Advisor men Booking.com kompanııalaryna da otandastarymyz júr. Solardy qaıta shaqyryp, Qazaqstanda jumys isteýine, óz ıdeıalaryn júzege asyrýyna múmkindik berý qajet», - dedi Oljas Ordabaev Astanada ótip jatqan «Digital Arena - 3» forýmynda.

Sonymen birge, O.Ordabaev tsıfrlyq memtapsyrystardy otandyq baǵdarlamalyq jasaqtamalardyń senimdi tizbesin qurýdy usynǵanyn eske saldy.

«Dál osyndaı tizbe Reseıde bar jáne oǵan úlken basymdyq berilgen. Barlyq Árıne, bizde de sheteldik venderlar jumys istep jatyr, keı sektorlarda olardyń ornyn basa almaımyz. Biraq, óz ónimderimiz bar salalarda tapsyrystar ózimizde qalýy tıis», - dedi Oljas Ordabaev.