Amazon men AliExpress taýarlaryn Qazaqstanǵa jetkizý quny arzandaıdy
Osy kúnderi Londonda «Leaders in Logistics» salalyq logıstıkalyq sammıti ótip jatyr. Oǵan Qazaqstan atynan qatysyp jatqan «Qazposhta» basshysy Ásel Janasovanyń dereginshe, qazir kompanııa Amazon jáne AliExpress sııaqty halyqaralyq onlaın platformalardan satyp alatyn taýarlardy elimizge tez ári arzan baǵamen jetkizý múmkindikterin qarastyryp jatyr. Onyń aıtýynsha, búginde Amazon-nan alynǵan taýardy Qazaqstanǵa jetkizý quny - 75 dollar. Al, olardy elge ákelýge 30 kúnge jýyq ýaqyt ketedi.
«Londondaǵy forým aıasynda «Qazposhta» basshysy estonııalyq «Omniva» poshtasynyń basshysy Marta Magı jáne «Cainiao Europe Parcel Network» logıstıkalyq kompanııasynyń bas menedjeri Dennıs Lımen kelissóz júrgizdi. Onyń nátıjesinde qazaqstandyqtar úshin taýardy Amazon, Alibaba, Aliexpress jáne Lazada onlaın saýda platformalarynan jetkizý servısterin jaqsartý týraly ýaǵdalastyqqa qol jetkizildi. Endi bıyldan bastap Amazon-nan satyp alynǵan taýardy elimizge jetkizý merzimi qysqarady jáne onyń quny 8 ese arzandap, 7-9 dollar bolady», - delingen qordyń Telegram arnasynda jarııalanǵan habarlamada.
