Amazon-daǵy aqaý iri qyzmetter jumysyn toqtatty

ASTANA. KAZINFORM — Álemdegi jetekshi provaıderlerdiń biri Amazon Web Services-tegi aqaý ondaǵan tanymal onlaın qyzmet jumysyn toqtatty, dep habarlaıdy Kazinform.  

Alǵashqy úzilister 20 qazan kúni boldy. Kompanııa máseleni sheshý jáne onyń túpki sebebin anyqtaý úshin jumys istep jatqanyn málimdedi.

Zardap shekken qyzmetter arasynda Fortnite, Snapchat, Roblox, Alexa, Canva, Airtable jáne McDonald’s boldy. Paıdalanýshylar júkteý kezinde qıyndyqtar, avtorızatsııada qatelikter jáne qosymshalardyń jumysy baıaýlaýy sııaqty aqaýlar týraly shaǵymdandy.

— DNS-tegi negizgi másele tolyǵymen sheshildi jáne AWS qyzmet operatsııalarynyń kópshiligi qazir qalypty jumys isteıdi. Keıbir suraý shektelýi múmkin, biz máseleni tolyq sheshý ústindemiz, — delingen kompanııa habarlamasynda.

Esterińizge sala keteıik, ótken aptada álem boıynsha 342 000-nan astam qoldanýshy YouTube, YouTube Music jáne YouTube TV-ge kirý qıyndaǵanyn aıtyp, shaǵymdanǵan.