Amazon basshysy Djeff Bezos álemdegi eń baı adamǵa aınaldy
ASTANA. QazAqparat - Amerıkanyń Forbes jýrnaly 6 naýryz kúni álemdegi mıllıarderlerdiń 32-shi jyldyq reıtıngin jarııalady, dep habarlaıdy QazAqparat.
2017 jyldyń qorytyndylary boıynsha álemdegi eń baı 20 adamnyń jıyntyq baılyǵy 1,2 trıllıon dollarǵa jetken.
2018 jylǵy reıtıngtiń kóshbasshylyǵy Amazon basshysy Djeff Bezosqa buıyrdy. Bezostyń tabysyn Amazon aktsııalary baǵasynyń kóterilýi arttyrdy. Onyń aktsııalary 2017 jyly 60%-ǵa qymbattaǵan.
Ekinshi oryndy tabysy $4 mlrd-qa molaıyp, $90 mlrd-qa jetken Microsoft-tyń negizin qalaýshy Bıll Geıts ıelendi. Úzdik úshtikti byltyr 8,4 mlrd dollar tabys tapqan Ýorren Baffet túıindedi. Álemniń eń tanymal ınvestorynyń baılyǵy 84 mlrd dollarǵa baǵalanyp otyr.
Foto: www.iqmonitor.ru
