Amazon atom elektr stantsııasynyń josparlarymen bólisedi
ASTANA. KAZINFORM – Djeff Bezos endi ıadrolyq tehnologııaǵa bás tigýde: ınternet alyby Amazon alǵashqy atom elektr stantsııasynyń jobasyn tanystyrdy, dep habarlaıdy Kazinform BILD basylymyna silteme jasap.
Kompanııa serverleri men jasandy ıntellekt baǵdarlamalaryn energııamen derbes qamtamasyz etýdi josparlap otyr.
Vashıngton shtatynda qurylysy josparlanǵan jańa atom elektr stantsııasy Kaskad keńeıtilgen energetıkalyq qondyrǵysy bastapqyda 4 shaǵyn Xe-100 reaktoryn qamtıdy. Kompanııa barlyǵy 12-ge deıin shaǵyn modýldik reaktorlardy (SMR) ornatpaq.
Shaǵyn reaktorlardy Amazon 2024 jyldyń qazan aıynda shamamen 500 mıllıon dollar ınvestıtsııalaǵan amerıkandyq X-energy kompanııasy salady. Jobaǵa basqa ınvestorlar da ınvestıtsııa quıǵan.
Birinshi kezeńde reaktorlar 320 megavatqa deıin elektr energııasyn óndiredi, al barlyq kezeńi aıaqtalǵannan keıin qýattylyq 960 megavatqa deıin artady. Bul shamamen 3,8 mıllıon úı sharýashylyǵyn qýattandyrýǵa jetedi.
Degenmen Amazon energııany eń aldymen óz qajettilikteri úshin — serverler, jasandy ıntellekt júıeleri jáne tsıfrlyq quraldar úshin paıdalanbaq. Sonymen birge kompanııa CO₂ shyǵaryndylaryn azaıtqysy keledi.