Amazon 600 myń jańa jumysshynyń ornyna JI-dy tańdady
ASTANA. KAZINFORM — Amazon jasandy ıntellekt (JI) tehnologııalary men jumys kúshin ózgertý arqyly avtomattandyrý múmkindikterin belsendi túrde zerttep jatyr, dep habarlaıdy FOX Business.
Elektrondyq kommertsııa alpaýyty 2033 jylǵa qaraı AQSh-taǵy jumys kúshin arttyrmaı, taýar satý kólemin eki ese ulǵaıtýdy maqsat etip otyr. Bul Amazon úshin 600 myńnan astam jańa jumysshyny jaldaýdyń qajeti joq degendi bildiredi.
Amazon kompanııasynyń bas tehnolog mamany Taı Bredı robottardyń kompanııanyń qazirgi qyzmetkerlerine kesiri tımeıtinin málimdedi: jańa tehnologııa adamdarmen birge jumys isteıtin bolady.
Amazon Kalıfornııa shtatynyń Mılpıtas qalasynda jetkizý protsesin jaqsartý úshin jańa robototehnıka men JI tehnologııalaryn engizýdi josparlap otyr.
Amazon kelesi jyldyń sońyna qaraı shamamen 40 dıstrıbıýtorlyq qoımany avtomattandyratyn bolady. Morgan Stanley baǵalaýynsha, ekonomıkalyq áser jyl saıyn shamamen 4 mlrd dollarǵa jetýi múmkin.
Buǵan deıin AQSh Demokratııalyq partııasynyń ókilderi «robottarǵa salyq» engizýdi talap etkenin jazǵan edik.