Amazon 20 jylda alǵash ret kompanııa logotıpin ózgertti

ASTANA. KAZINFORM — Amazon 20 jyldaǵy alǵashqy eleýli ózgeris — qaıta jasalǵan logotıpin tanystyrdy, dep habarlaıdy Dezeen.com. 

Rebrendıng Koto International Studio jáne Amazon komandasymen birlesip júrgizilgeni atap ótildi. Onyń maqsaty —korporatıvtik stıldiń vızýaldy kórinisin kúsheıtý jáne ony elektrondy kommertsııa alybynyń 50-den astam qosalqy brendterine beıimdeý boldy.

Klıentke baǵdarlaný sımvoly bolyp tabylatyn tanys «kúlimsireý» ortalyq element retinde tanys saqtalǵan. Degenmen, qazir negizgi vızýaldy ekpin osy elementte — aldyńǵy nusqada strelka nazarda bolatyn. Koto Studio ókilderiniń aıtýynsha, bul tásil Amazon-nyń tutynýshylarǵa qýanysh syılaýǵa jáne olardyń kúndelikti ómirin jeńildetýge degen umtylysyn kórsetedi.

Vızýaldy rebrendıng aıasynda jańa korporatıvtik shrıft — Amazon Logo Sans ta engizildi. Ol Amazon Smile, Amazon Cash, Amazon Echo jáne Amazon Jobs sııaqty baǵyttardy anyqtaý úshin qoldanylady. Buǵan qosa, buryn Kindle brendimen baılanystyrylǵan Ember shrıftine de ózgerister engizildi.

Tıpografııalyq jańartýlardan basqa, Amazon búkil brend stılinde ashyq jáne mánerli túster men biryńǵaı ıkonografııany engizdi. Prime, Amazon Grocery, Alexa jáne Amazon One Medical qyzmetterine erekshe nazar aýdarylǵan.

Kompanııa qyzmetkerleriniń aıtýynsha, jańa dızaın Amazon-nyń ósýi men bolashaq maqsattaryn kórsetedi, sonymen birge onyń tanys túrin saqtaıdy. Bul jańartý kompanııa jaqyn arada josparlaǵan jańa qyzmetter men jaqsartýlar qarsańynda júzege asyrylyp jatyr.

Eske sala keteıik, Djeff Bezos Amazon aktsııalaryn shamamen 5 mıllıard dollarǵa satýdy josparlap otyrǵany jaıly jazǵan edik.