Amanjan Jamalov temeki ónimderi men alkogol sýsyndaryn tańbalaý jobasyna kúmán keltirdi
NUR-SULTAN. QazAqparat – Májilis depýtaty Amanjan Jamalov temeki ónimderi men alkogol sýsyndaryn tańbalaý jobasyna kúmán keltirdi, dep habarlaıdy QazAqparat tilshisi.
«Bıznesti ásirese temeki ónimderin, alkogol sýsyndaryn, sút ónimderin tańbalaý jónindegi ilki joba ashýlandyryp otyr. Olar Elektrondy esepshot júıesin qaıtalaıdy jáne taýarlardyń tikeleı qymbattaýyna kásipkerlerdiń qosymsha shyǵyndanýyna alyp keledi. Atalǵan ilki jobalardyń tıimdiligi búginge deıin dáleldenbegen. Munyń bári bıznestiń jaǵdaıyn jeńildetpeıdi, kerisinshe nasharlatady. Bıznes te ádisterdi qaıta qaraýdy jáne bul ilki jobalardy alyp tastaýdy únemi surap keledi. Osy ilki jobalardyń barlyǵy da Qarjy mınıstrliginiń derbes buıryǵymen engiziledi. Mundaı jaıt nelikten oryn alýda? Atalǵan ilki jobalardyń qajettiligi bıznespen nege talqylanbaıdy?», - dedi búgin Májilistiń jalpy otyrysynda QR Premer-Mınıstri Asqar Mamınge depýtattyq saýal joldaǵan Amanjan Jamalov.
Osyǵan oraı Májilis depýtaty Úkimet basshysynan ilki jobalardyń júzege asyrylý barysy men tıimdiligi týraly tolyqqandy aqparat berýdi, jańa ilki jobalardy engizýdi toqtatýdy suraıdy.
