Amantaı-qajy Asylbek Prezıdentikke kandıdat retinde memlekettik tilden emtıhan tapsyrýǵa kelmeı qaldy
ASTANA. 12 aqpan. QazAqparat /Aıdar Ospanalıev/ - «Attan, Qazaqstan» qozǵalysynyń jetekshisi Amantaı-qajy Asylbek Prezıdenttikke kandıdattardyń memlekettik tildi erkin meńgergendigin anyqtaý jónindegi lıngvıstıkalyq komıssııanyń otyrysyna belgisiz sebeptermen kelmeı qaldy.
Bul týraly búgin osy máselege baılanysty jýrnalısterge suhbat bergen atalmysh lıngvıstıkalyq komıssııa tóraǵasy Myrzataı Joldasbekov málim etti.
«Biz búgin túske deıin, Prezıdenttikke kandıdat Asylbek Amantaıdyń qazaq tilin bilý deńgeıin tekserýimiz qajet bolatyn. Osyǵan qaraı búgin komıssııa músheleri saǵat 11-00-de tolyqtaı jınaldy. Biz ony 55 mınýt kúttik. Qazir ol ne telefonǵa jaýap bermeıdi. Oǵan emtıhannyń búgin ótetindigi aldyn ala habarlanǵan bolatyn. Biz endi komıssııanyń mezgilinde jınalǵanyn, biraq Prezıdenttikke kandıdat Asylbek Amantaı-qajynyń kelmegendigi kórsetilgen hattamaǵa qol qoıyp ketip baramyz»,-dedi M.Joldasbekov.
Onyń sózine qaraǵanda, atalmysh kandıdat endi Ortalyq saılaý komıssııasymen habarlasyp óziniń ótinishin bildirse, emtıhan tapsyratyn ýaqyt basqa kúnge belgilenedi. «ıAǵnı, kandıdattyń emtıhan tapsyrýǵa áli de múmkindigi bar»,-dedi lıngvıstıkalyq komıssııa tóraǵasy.
