Amankeldi Taspıhovtyń senimdi ókili Shymkentte zaýyt ujymymen kezdesti

ShYMKENT. QazAqparat - QR Prezıdenttigine kandıdat Amankeldi Taspıhovtyń Túrkistan oblysy jáne Shymkent qalasy boıynsha qoǵamdyq shtabynyń músheleri «Taǵan» JShS asfalt zaýyty ujymymen kezdesti. Bul jóninde QR Kásipodaqtar federatsııasynyń baspasóz qyzmeti habarlady.

Zaýyt eńbekkerlerimen ótken jıynǵa jalpy 40 adam qatysty.

Aıta keteıik, qurylys materıaldaryn shyǵarýmen aınalysatyn kásiporynda 70 adam jumys isteıdi, onyń ishinde 15 ofıstik qyzmetker, 5 ýchaske basshysy, 25 jol jumysshysy, 23 mehanızator men júrgizýshi, 2 qaraýyl jumys isteıdi.

Jıynda úmitkerdiń senimdi ókili Serik Áýeshanov Qazaqstan Respýblıkasynyń Prezıdenttigine úmitker Amankeldi Taspıhovtyń ómirbaıanymen, saılaýaldy tuǵyrnamasymen tanystyryp, saılaýda ár azamattyń daýysy mańyzdy ekenin jetkizdi. Ol kandıdat tuǵyrnamasynda kórsetilgen qarapaıym jumysshy mártebesin kóterýge baǵyttalǵan usynystardy ortaǵa saldy. Laıyqty jalaqy tóleý, eńbek mıgratsııasy, eńbek quqyǵy máselelerin jan-jaqty túsindirdi.