Amanqaraǵaıda úıindiler astynan joǵalǵan er adam izdestirilip jatyr

QOSTANAI. QazAqparat – Polıtsııaǵa 73 jastaǵy áıel 56 jastaǵy ulynyń joǵalǵany týraly habarlaǵan. Ol Amanqaraǵaı aýyly turǵyndaryn evakýatsııalaý kezinde joǵalyp ketken, dep habarlaıdy QazAqparat tilshisi.

«4 qyrkúıek kúni polıtsııa bólimine 73 jastaǵy áıel 56 jastaǵy ulyn izdeýge kómek surap júgingen. Er adam 3 qyrkúıekte Amanqaraǵaıda evakýatsııalaý kezinde joǵalyp ketken. Qazirgi ýaqytta er adamnyń turǵylyqty jeri boıynsha izdestirý sharalary men qazba jumystary júrgizilip jatyr», - dedi polıtsııa departamentinen.

Bul fakt qylmys quramynyń formaldy belgileri – «Adamnyń joǵalýy» boıynsha tirkeldi.

Buǵan deıin habarlaǵanymyzdaı, «Bars» izdestirý-qutqarý jasaǵynyń eriktileri Amanqaraǵaıdaǵy orman órtine baılanysty turǵyndardy evakýatsııalaý kezinde joǵalǵan er adam týraly aqparat taratqan.