Amanııaz Erjanov Indýstrııa jáne ınfraqurylymdyq damý vıtse-mınıstri qyzmetinen ketti

NUR-SULTAN. QazAqparat - Amanııaz Erjanov QR Indýstrııa jáne ınfraqurylymdyq damý vıtse-mınıstri qyzmetinen bosatyldy, dep habarlaıdy QazAqparat primeminister.kz saıtyna silteme jasap.

QR Úkimetiniń qaýlysymen Amanııaz Qasymuly Erjanov Qazaqstan Respýblıkasynyń Indýstrııa jáne ınfraqurylymdyq damý vıtse-mınıstri laýazymynan bosatyldy.

Amanııaz Erjanov 1960 jyly Batys Qazaqstan oblysynda dúnıege kelgen.

Jambyl gıdromelıoratıvtik-qurylys ınstıtýtyn, BLKJO joǵary komsomol mektebin, Qazaq memlekettik basqarý akademııasyn bitirgen.

Eńbek jolyn 1982 jyly bas ınjener-gıdrotehnık qyzmetinen bastaǵan.

2018-2019 jyldary — QR qorǵanys jáne aeroǵarysh ónerkásibi vıtse-mınıstri.

2019 jylǵy naýryzdan bastap qazirgi tańǵa deıin QR Indýstrııa jáne ınfraqurylymdyq damý vıtse-mınıstri qyzmetin atqardy.