Amangeldi aýdanynda Keıki batyrdyń bas súıegin jerleý rásimi ótedi
QOSTANAI. QazAqparat - Qostanaı oblysynda Keıki Kókembaıuly kesenesiniń ashylýyna oraı ótetin sharalar kestesi jarııalandy, dep habarlaıdy QazAqparat.
Qostanaı oblysy Amankeldi aýdany ákimdiginiń ishki saıasat basqarmasy baǵdarlamalar tizimin jasady. Sonymen, is-sharalar 15 qyrkúıekte bastalady.
Keıki batyrdyń bas súıegin kesenege jerleý rásimi Tasty aýylynda saǵat 10:00-de ótedi. Sodan soń Amangeldi, Jankeldın, Áýlıekól, Naýryzym aýdandary jáne Arqalyq qalasy ónerpazdarynyń kontserttik baǵdarlamasy usynylady.
Saǵat 11:00-de kórermenderdi qazaq kúresinen respýblıkalyq «Túıe palýan» jarysy kútedi. Odan keıin kelgen meımandarǵa kıiz úılerden as beriledi.
Osy kúni saǵat 15:00-de kesene mańyndaǵy alańqaıda at báıgesi (12-25 shaqyrym) bolady.
«Keıki batyr: ómiri men óliminiń tarıhy» atty ǵylymı-praktıkalyq konferentsııa Arqalyq qalasyndaǵy Jas kórermender teatrynda uıymdastyrylady. Ýaqyty - 14:00. Konferentsııadan soń «Keıki batyr» spektakli tamashalanady.
Al 16 qyrkúıek kúni saǵat 10:00-de Arqalyqta «Bas kespek bolsa da...» atty respýblıkalyq aqyndar aıtysy ótedi.
