Amandyq Batalov Ýnıversıada alaýyn Karına Gorıchevaǵa tabystady
TALDYQORǴAN. QazAqparat - Búgin Almaty oblysy Búkilálemdik 28-shi qysqy Ýnıversıada-2017 Alaý estafetasyn qabyldady, dep habarlaıdy QazAqparat tilshisi.
Taldyqorǵanda oblys ákimi Amandyq Batalov estafeta alaýyn qabyldap, aýyr atletıkadan Rıo Olımpıadasynyń qola júldegeri Karına Gorıchevaǵa tabys etti. Jastar saıabaǵynan bastalǵan sharada 60 adam Ýnıversıada Alaýyn ustap júrý qurmetine ıe boldy. Olardyń qatarynda sporttyq dodalarda el namysyn qorǵap, kók baıraǵymyzdy kókke jelbiretip júrgen jandar da bar. Atap aıtsaq, Halyqaralyq jarystardyń jeńimpazy, boksshy Jánibek Álimhanuly, Rıo Olımpıadasynyń aýyr atletıkadan "qola" júldegeri Karına Gorıcheva jáne Rıoda ótken Paralımpıada oıyndarynyń kúmis júldegeri Raýshan Qoıshybaeva alaýgerler bolady.
Sondaı-aq, Alaý estafetasynyń mańyzdy mıssııasy "Kóshbasshy-2016" baıqaýynyń on jeńimpazyna tapsyrylyp otyr. Olardyń arasynda "QazAqparat" HAA-nyń Almaty oblysyndaǵy menshikti tilshisi Samal Qabysheva bar.
Estafeta Taldyqorǵan qalasynyń Balapanov kóshesinen bastalyp, Qonaev kóshesiniń boıynda aıaqtalady. Atalǵan sharany 25 myńnan asa kórermen tamashalaýda. Al ər alaýger 200 metr jerdi júrip ótedi.
