Amandyq Batalov: Óńir turǵyndarynyń problemasyn sheshýde WhatsApp-tyń kómegi zor

NUR-SULTAN. QazAqparat – Almaty oblysynyń ákimi Amandyq Batalov óńir turǵyndarynyń problemasyn sheshýde WhatsApp jelisiniń kómegi kóp ekendigin aıtty, dep habarlaıdy QazAqparat tilshisi.

«Áleýmettik jelide únemi otyryp, birdeńe jazýǵa nemese salýǵa ýaqytym da joq. Baspasóz qyzmetimiz bar. Olar jaqsy jumys isteıdi. Olar aqparattardy maǵan tańdap berip otyrady jáne ony jumysymda qoldanamyn. WhatsApp jelisi óte jaqsy boldy. Jańylmasam, uıaly telefonymnyń nómirin 25-27 jyl boıy ózgertken emespin. Óńirdiń kez kelgen turǵyny maǵan jazyp turady. Olarǵa jaýap berip otyramyn», - dedi Amandyq Batalov «Habar» telearnasyndaǵy «Ulttyq múdde» baǵdarlamasyna bergen suhbatynda.

Oblys basshysy WhatsApp hat jazǵan turǵyndardyń prblemasyn sheshýge únemi kúsh salatyndyǵyn basa aıtty.

«Al áleýmettik jelide únemi otyrýǵa ýaqyt bolmaıdy, qyzyǵýshylyǵym da joq. Degenmen, anda-sanda Facebook, Instagram áleýmettik jelilerin sholyp shyǵamyn», dedi ol.