Amandyq Batalov oblys turǵyndaryn «Nur Otan» praımerızine belsendi qatysýǵa shaqyrdy
« Qurmetti Almaty oblysynyń turǵyndary! Elimizde bıylǵy jyldyń 17 tamyzynan «Nur Otan» partııasynyń praımerızi bastaý aldy. Elbasy Nursultan Ábishuly Nazarbaevtyń tapsyrmasy boıynsha – partııalyq-saıası damý tarıhynda tuńǵysh ret respýblıkalyq partııaishilik praımerız ótedi.
Praımerız partııa belsendilerin ashyq tańdaý arqyly Parlament Májilisindegi jáne barlyq deńgeıdegi máslıhattardaǵy tıimdi depýtattyq korpýsty odan ári qalyptastyrý, partııalyq ilgeriletý, memlekettik organdardaǵy laýazymdarǵa usyný úshin básekelestik kúres negizinde naqty jáne myqty kóshbasshylardy anyqtaý maqsatynda ótkizilip otyr», - dedi Almaty oblysynyń ákimi.
Praımerızge ótinish bildirgen úmitkerlerdi tirkeý 17 - 28 tamyz aralyǵynda júrgiziledi. Odan keıin, 7 qyrkúıekten 3 qazanǵa deıin kandıdattardyń úgit jumystary ótkiziledi. Sonymen qatar 14-30 qyrkúıek aralyǵynda jarııa pikirsaıystar ótkizý qarastyrylǵan.
«Ókinishke qaraı, búgingi tańda koronavırýs pandemııasy ómirimizdiń barlyq salasyna áser etýde. Bul ishki saıası protsesterdi de osyǵan beıimdeýdi talap etedi. Óıtkeni azamattarymyzdyń densaýlyǵy men ómirin qorǵaý barshamyz úshin de negizgi basymdyq sanalady. Osyǵan oraı, partııaishilik saılaýda onlaın-formatta daýys berý mehanızmi qalyptastyryldy. Pikirsaıystar partııanyń resmı akkaýnttarynda taratylatyn «Praımerız» aqparattyq júıesi arqyly ótkizilmek», - dep túsindirdi A.Batalov.
Úmitkerler praımerızge qatysý úshin primaries.kz saıty nemese óz turǵylyqty mekenjaıy boıynsha aýmaqtyq partııa fılıalynda aqparat ala alady.
«Jalpy, óńirimizde 93 myńǵa jýyq partııa múshesi bar. Onyń 70% jýyǵyn áıelder, 15% jýyǵyn belsendi jastar qurap otyr. Soǵan sáıkes Májilis pen jergilikti máslıhattarda osy azamattar arasynan jastar 20%, áıelder qaýymy 30% bolýyna múmkindik jasalyp otyr. Endigi kezek jetisýlyq azamattardyń saıası belsendiligi men kóshbasshylyq qasıetterin kórsete bilýinde.
Praımerızdiń qorytyndy kezeńinde - 1-3 qazan aralyǵynda jetisýlyq nurotandyqtar mobıldik qosymsha jáne arnaıy veb-portal arqyly elektrondy daýys bere alady. Daýys berýdiń sońǵy kúni (3 qazan) bastaýysh partııa uıymdarynyń bazasynda daýys berý ýchaskeleri ashylady. Internet baılanysy qıyndyq týdyrǵan eldi meken turǵyndary daýys berý ýchaskelerine kelip, qaǵaz bıýlletender arqyly daýys berýge bolady.
Egerde el damýy jolynda oń ózgeristerge qadam basqyńyz kelse, Sizdi jarqyn bolashaq úshin partııalyq praımerızge qatysýǵa shaqyramyn», - dep túıindedi Almaty oblysynyń ákimi,
«Nur Otan» partııasy oblystyq fılıalynyń tóraǵasy A.Batalov
