Amandyq Batalov halyq aldynda esep berýde
TALDYQORǴAN. QazAqparat - Almaty oblysynyń ákimi Amandyq Batalov halyq aldynda esep berýde. Óńir basshysynyń sózinshe, byltyr oblysta kásipkerlikti qoldaý kartasy aıasynda 4 óndiris iske qosylǵan. Nátıjesinde jańadan 670 jumys orny ashyldy, dep habarlaıdy QazAqparat tilshisi.
Almaty oblysy agrarlyq aımaqtan óndiristik óńirge aınalyp keledi. Oǵan dálel ónerkásip nysandarynyń kóptep ashylýy. Ótken jyly oblysta «Almaty shyny» zaýyty jáne Qarasaı aýdanyndaǵy metall qurastyrylymdaryn shyǵaratyn «Qarasaı mashına jasaý zaýyty», Eńbekshiqazaq aýdanyndaǵy «Nurly-Qus» qus fabrıkasy, Qaratal aýdanyndaǵy «Agro-Invest-Qaratal» et kombınaty iske qosyldy. Barlyǵy 21,5 mlrd. teńge ıgerilgen.
Sondaı-aq Almaty oblysynda jalpy kólemi 4192,6 gektar bolatyn 5 ındýstrııalyq aımaqty damytý boıynsha jumys jalǵasýda. Qazirgi kezde 3777 jumys ornyn qura otyryp, jalpy somasy 189,7 mlrd.teńge bolatyn 19 ınvestıtsııalyq joba júzege asyrylýda. Munan bólek 4922 jumys orny qurylatyn 34 joba usynylyp, olarǵa jalpy 365,7 mlrd. teńge ınvestıtsııa tartylatyn bolady.
Ákim esebine QR Densaýlyq saqtaý mınıstri Eljan Birtanov jáne «Nur Otan» partııasynyń hatshysy Ǵabıdolla Ábdirahymov Astanadan arnaıy kelip, qatysty.
