«AMANAT»-ta Prezıdent Joldaýyn júzege asyrý boıynsha keńeıtilgen otyrys ótti
ASTANA. KAZINFORM — Májilis Spıkeri, «AMANAT» Tóraǵasy Erlan Qoshanov Memleket basshysy Qasym-Jomart Toqaevtyń «Jasandy ıntellekt dáýirindegi Qazaqstan: ózekti máseleler jáne ony túbegeıli tsıfrlyq ózgerister arqyly sheshý» atty Qazaqstan halqyna Joldaýyn júzege asyrý boıynsha partııa aktıvimen keńeıtilgen otyrys ótkizdi.
«AMANAT» partııasynyń baspasóz qyzmeti habarlaǵandaı, is-sharaǵa Májilis depýtattary, qoǵam qaıratkerleri, Ortalyq apparat qyzmetkerleri, «Jastar Rýhynyń» belsendileri qatysty. Jıynǵa beınekonferentsbaılanys arqyly partııanyń barlyq óńirlik fılıaly qosyldy.
Sóz basynda Erlan Qoshanov «AMANAT» partııasy Memleket basshysy Qasym-Jomart Toqaevtyń qoǵamdyq tiregi bola otyryp, Joldaýdy aýqymdy reformalardyń laıyqty jalǵasy, elimizdi damytý baǵytyndaǵy naqty ári júıeli jumystyń negizgi baǵdary retinde qarastyratynyn erekshe atap ótti.
— Prezıdenttiń bıylǵy Joldaýy — «Halyq únine qulaq asatyn memleket» tujyrymdamasyn júzege asyrýdyń jarqyn mysaly. Onda qoǵamdy tolǵandyrǵan eń ózekti suraqtarǵa jaýap berilip, jahandyq bastamalardan bastap, kúndelikti ómirge qatysty barlyq máseleler qamtyldy. «AMANAT» partııasynyń basty mindeti — Memleket basshysy reformalarynyń qozǵaýshy kúshi bolý, saıası turaqtylyq pen qoǵamdyq kelisimdi qamtamasyz etý. Prezıdent bastamalaryn qoldaý — bul bizdiń basty tańdaýymyz. Bizdiń uzaq merzimdi mıssııamyz da, partııanyń tsentrıstik ustanymy da osy múddemen ushtasyp jatyr, — dedi ol.
Partııa Tóraǵasy Joldaýda tsıfrlandyrý qadamy jańa jalpyulttyq tehnologııalyq ıdeıaǵa aınalǵanyna nazar aýdardy. Jasandy ıntellekt pen jańa tehnologııalar damýdyń jańa qozǵaýshy kúshi sanalady. Kóptegen salany tsıfrlandyrý boıynsha keshendi is-sharalardy qolǵa alý josparlanýda. Partııa bul baǵytta azamattardyń, ásirese zeınetkerler men jasóspirimderdiń tsıfrlyq saýatyn arttyrýǵa arnalǵan «Tsıfrlyq qoǵam» jobasyn júzege asyrýda. Endi partııalastar ony búkil el aýmaǵyna taratyp, Joldaý sheńberinde ázirlenetin jańa «Digital Qazaqstan» strategııasynyń bir bóligine aınaldyrýǵa tıis.
Erlan Qoshanov Memleket basshysy aýyl turǵyndarynyń ál-aýqatyna erekshe nazar aýdarǵanyn atap ótti. Bul másele agrarlyq salanyń damýymen tikeleı baılanysty. «AMANAT» partııasy birneshe jyldan beri «Jer amanaty», «Aýyl amanaty», «Agrosaýat» jobalaryn júzege asyryp keledi. Olar aýyldy damytýǵa, aýyl turǵyndarynyń turmysyn jaqsartýǵa qajet naqty ári túsinikti quraldardy usynady. Atalǵan jobalardy el azamattary jyly qabyldady. Tıisinshe, olar Prezıdent Joldaýynda aıqyndalǵan jańa bastamalarǵa engizilýge tıis.
Sondaı-aq partııa Tóraǵasy Memleket basshysy halyqtyń qarjylyq saýatyn arttyrýǵa arnalǵan «Qaryzsyz qoǵam» partııalyq jobasyna qoldaý bildirgenin erekshe atap ótti. «AMANAT» Úkimetpen birge zamanaýı tsıfrlyq tehnologııalardy paıdalana otyryp, onyń aýqymyn keńeıtýdi jalǵastyrady. Bıyl call-ortalyq quryldy, 40 zańgerdiń qatysýymen onlaın-platforma jumysy jolǵa qoıyldy, al óńdelgen ótinishterdiń jalpy sany 800 myńnan asty.
Іs-shara barysynda Májilis depýtaty, «AMANAT» partııasy fraktsııasynyń múshesi Rınat Zaıyt pikir bildirdi. Onyń aıtýynsha, Prezıdent aıtqan bir ult ıdeıasyn etnıkalyq maǵynada emes, qoǵam birliginiń kórinisi retinde túsiný kerek, sebebi ulttyq birlik – Qazaqstannyń baıandy bolashaǵynyń basty sharty.
Májilis depýtaty, «AMANAT» partııasy fraktsııasynyń múshesi Ekaterına Smyshlıaeva Memleket basshysy Joldaýda tsıfrlyq transformatsııanyń aýqymdy mindetterin belgilep bergenin atap ótti. Ol «AMANAT» fraktsııasy bastamashylyq etken Tsıfrlyq kodeks osy saladaǵy basty qujatqa aınalatynyn jáne aldaǵy serpindi qadamdaryń quqyqtyq alǵyshartyn jasaýǵa múmkindik beretinin málimdedi. Depýtat barlyq múddeli uıymdardy onyń damýyna belsendi qatysýǵa shaqyrdy. Al «Astana Hub»-tyń bas dırektory Maǵjan Mádıev tsıfrlyq transformatsııa tabysty bolýy úshin adamı kapıtaldy damytý jáne jas talanttardy qoldaý qadamdary mańyzdy basymdyqqa aınalýǵa tıis ekenin aıtty.
«Kaz Alpine Club» QB basqarma múshesi Erlan Smaılov Prezıdent strategııalyq sala retinde aıqyndaǵan týrızm baǵyty ınfraqurylym men kadrlardy damytýdy qajet etetinin atap ótti. Onyń aıtýynsha, Qazaqstannyń shytyrman oqıǵaly týrızmdi damytýǵa zor múmkindigi bar. «AMANAT» partııasy osy baǵyttaǵy jumysty bastap, «Alataý amanaty» jobasyn iske qosty. Joba jańa jumys oryndaryn ashyp, týrısterdi tartýǵa, sondaı-aq jergilikti jerlerde shaǵyn bıznesti damytýǵa serpin bermek.
Májilis depýtaty, «AMANAT» fraktsııasynyń múshesi Aıdos Sarym partııanyń basty mindeti – Prezıdent reformalarynyń mánin halyqqa, eń aldymen jastarǵa túsindire otyryp, ulttyq birlik pen kelisimdi nyǵaıtý ekenin basa aıtty. Depýtattyń pikirinshe, reformalar keń qoldaý taýyp, azamattar olardyń júzege asýyna atsalysýy úshin partııa Prezıdent Joldaýyn elimizdiń árbir turǵynyna qarapaıym ári túsinikti tilmen jetkizýi qajet.
Májilis depýtaty Baqytjan Bazarbek zańdardyń oryndalýyn baqylaýǵa arnalǵan tsıfrlyq kartany engizý jóninde usynys bildirdi. Bul azamattardyń quqyqtyq sanasyn arttyryp, qabyldanǵan zańdardyń múltiksiz oryndalýyn qamtamasyz etýge jáne Memleket basshysynyń «Zań jáne tártip» qaǵıdasyn nyǵaıtýǵa múmkindik beredi.
Kásipker, «TechnoWomen» basqarma tóraǵasy Ázıza Shójeeva Prezıdent Joldaýynda otandyq taýar óndirýshilerdi barynsha qoldaý máselesi kóterilgenin atap ótti. Ol kásipkerlerdiń bul bastamany úlken yqylaspen qabyldaǵanyn aıtyp, táýelsiz syrtqy saýda alańyn qurýdy, sondaı-aq ulttyq jobalardy halyqaralyq naryqtarǵa shyǵarýǵa yqpal etetin partııa janynan kásipkerlik keńesin qurýdy usyndy.
Osylaısha, «AMANAT» partııasy elimizdiń jetekshi saıası kúshi retinde Memleket basshysynyń barlyq saıası jáne áleýmettik-ekonomıkalyq bastamalaryn tolyq qoldaıdy. Májilistegi partııa fraktsııasy Prezıdent Joldaýynda qoıylǵan mindetterdiń zańnamalyq turǵydan oryndalýyn qamtamasyz etedi. Partııa ashyq dıalogqa daıyn jáne el damýyna úles qosqysy keletin barlyq azamattarmen birlese jumys isteýge ázir.
Sonymen qatar Erlan Qoshanov partııanyń Ortalyq apparaty men aımaqtyq fılıaldaryna Joldaýdy halyq arasynda keńinen nasıhattap, Prezıdent aıtqan reformalardy júzege asyrýǵa qoǵamnyń barlyq progressıvti kúshterin jumyldyrý jóninde naqty tapsyrmalar berdi.
Aıta keteıik, keshe Aqordanyń resmı saıtynda Memleket basshysy Qasym-Jomart Toqaevtyń «Jasandy ıntellekt dáýirindegi Qazaqstan: ózekti máseleler jáne ony túbegeıli tsıfrlyq ózgerister arqyly sheshý» atty Qazaqstan halqyna Joldaýynyń tolyq mátini jarııalandy.