AMANAT partııasynyń tóraǵasy baýyrlas túrik halqyna kóńil aıtty

ASTANA. QazAqparat - AMANAT partııasynyń tóraǵasy Erlan Qoshanov baýyrlas túrik halqyna kóńil aıtty, dep habarlaıdy QazAqparat.

AMANAT partııasynyń Tóraǵasy Erlan Qoshanov asa joıqyn jer silkinisi saldarynan adamdardyń qaza bolýyna baılanysty Túrkııa Respýblıkasynyń Prezıdenti, Ádilet jáne damý partııasynyń Tóraǵasy Rejep Taııp Erdoǵanǵa kóńil aıtý jedelhatyn joldady.

«Qurmetti Tóraǵa myrza jáne Ádilet jáne damý partııasyndaǵy áriptesterimiz, osynaý qaıǵyly sátte shynaıy janashyr kóńilimizdi jetkize otyryp, tabıǵı apattan jaraqat alǵandardyń tez arada saýyǵyp, iz-túzsiz joǵalǵandardyń aman-esen otbasyna oralýyna tilektestigimdi bildiremin. Baýyrlas Túrkııa halqyna sabyr men tózimdilik tileımin», - delingen jedelhatta.