«Amanat» partııasynyń ókilderi sý basqan batys óńirin aralady

ASTANA. QazAqparat – «Amanat» partııasynyń músheleri Batys Qazaqstan jáne Aqtóbe oblystaryna baryp, óńirdegi sý tasqynynyń saldaryn óz kózimen kórdi. Bul týraly Partııanyń Atqarýshy hatshysy Elnur Beısenbaev jelidegi paraqshasynda jazdy, dep habarlaıdy QazAqparat.

«Ótken aptada partııanyń respýblıkalyq shtabynyń músheleri úgit-nasıhat naýqany kezinde Batys Qazaqstan jáne Aqtóbe oblystaryna baryp, óńirdegi sý tasqynynyń saldaryn óz kózimen kórdi.«AMANAT» bul jaǵdaıdy únemi baqylaýda ustady. Sondyqtan daýys berý aıaqtala salysymen, depýtattyqqa kandıdattar delegatsııasy men partııa belsendileri sý basqan úılerdiń turǵyndarymen kezdesip, gýmanıtarlyq kómek kórsetý úshin osy aımaqtarǵa qaıta jol tartty. Sondaı-aq amanattyqtar ınfraqurylym nysandary men joldardyń jaı-kúıin tekseredi. Olar zardap shekkenderdiń barlyǵy keltirilgen zalal úshin ótemaqy alyp, aımaqtaǵy jaǵdaıdy qalpyna keltirý úshin qajetti kómek týraly aqparat jınaıdy», - dep jazdy E. Beısenbaev.