AMANAT partııasynyń kezekten tys sezi 6 qazanda ótedi

AMANAT partııasynyń tóraǵasy Erlan Qoshanov kezekten tys XXIV sezdi 6 qazanǵa Astana qalasyna shaqyrý týraly Qaýlyǵa qol qoıdy. Bul týraly partııanyń baspasóz qyzmeti málimdedi, dep habarlaıdy QazAqparat.

«Sezd jumysyna elimizdiń barlyq aımaǵynan delegattar qatysady. Ortalyq apparat óńirlik fılıaldarmen birge daıyndyq is-sharalaryn qolǵa aldy», - dep jazdy uıymnan.

«AMANAT» partııasynyń buǵan deıingi XXIІІ sezinde Erlan Qoshanov partııa tóraǵasy bolyp saılanǵan bolatyn.

Aıta keteıik, QR Prezıdentiniń kezekten tys saılaýy 20 qarashada ótedi. Prezıdent saılaýyna kandıdattardy usyný 23 qyrkúıekte bastaldy. Atalǵan protsess 11 qazan kúni saǵat 18:00-de aıaqtalady . Eske salaıyq, kandıdattyń belgili bir saıası partııa atynan saılaýǵa túsýi úshin atalǵan partııanyń múshesi bolýy mindetti emes .

Foto: amanatpartiasy.kz