«Amanat» partııasynyń kandıdattary úgit-nasıhat jumystaryn qyzý júrgizýde
Erkin formatta ótkizilgen jıynda partııanyń saılaýaldy baǵdarlamasy jan-jaqty talqylandy. Baǵdarlama aıasıanda halyqtyń ómir súrý jaǵdaıyn jaqsartý,jańa jumys kózderin ashý, óndiristik oryndardaǵy qyzmetkerlerdiń qaýipsizdigin arttyrý men jastardyń áleýmettik sanatyn qoldaýǵa jumystanatyndaryn aıtty.
«Amanat» partııasy óz saılaýshylarymen birge eń aldymen, qazaqstandyq otbasylardy qorǵaýdy qamtamasyz etýge nıetti. Ol úshin partııa Densaýlyq saqtaý, bilim berý salasynda sapaly jaǵdaılar jasaýdy kózdep otyr. Qazaqstannyń árbir azamaty jaılylyq pen qaýipsizdikte ómir súrip, jumys istegenin qalaımyz. Biz saılaýǵa naqty maqsatpen jáne eldiń bolashaǵy úshin jaýapkershilikti tolyq túsinýmen baramyz,-dedi óz sózinde Anar Shamshadınova.
Sondaı-aq úmitkerler partııanyń sońǵy eki jylda atqarǵan jumystaryna toqtaldy. Atap aıtar bolsaq, partııa fılıaly janyndaǵy «Jer amanaty» qoǵamdyq keńesi zańsyz berilgen nemese paıdalanylmaǵan jerler men jaıylymdardy memleket menshigine qaıtaryp berdi. Óńirdegi týrızm baǵytyn damytý maqsatynda birqatar jańa týrızm nysandary iske qosyldy. Eki jyl ishinde 11 mektep, 35 balabaqsha, 9 sport nysany iske qosylǵandyǵyn atap ótti.
Kezdesýge qatysýshylar kandıdattarǵa jyly lebizderin aıtyp, senim bildirip, qoldaý kórsetetinderin aıtty.
Atalǵan óndiristik ujymda 1300-ge jýyq qyzmetker eńbek etedi. Mekeme elimizde azotty mıneraldy tyńaıtqyshtardyń 90%-yn óndiretin iri kásiporyn bolyp sanalady. Aıta ketý kerek, elimizdiń ındýstrııalandyrý baǵdarlamasy men otandyq taýarlardy syrtqy naryqqa shyǵarý baǵytyndaǵy úlesi zor mekeme.
Tapsyrys berýshi: N.Qarasaev
Mańǵystaý oblystyq máslıhaty depýtattarynyń saılaýynda partııalyq tizimdi usynǵan «AMANAT» partııasy Saılaý qorynyń qarajatynan tólendi.
