AMANAT partııasynyń 2030 jylǵa deıingi baǵdarlamasy kúshin joıdy
«Keshe partııanyń saıası keńesi otyrysynda partııanyń jańa saıası platformasyn maquldaý jáne ony partııanyń sezine shyǵarý týraly sheshim qabyldanǵan bolatyn. Buǵan deıin qujat bastapqy partııa uıymdarynda, partııanyń óńirlik jáne aýmaqtyq fılıaldarynyń konferentsııalarynda qaralyp, tolyqtaı qoldaý tapqan edi. Sondyqtan búgingi sóz sóıleýlerdi eskerip, AMANAT partııasynyń jańa saıası tuǵyrnamasyn bekitý týraly qaýly qabyldaý usynylady.
Sonymen qatar, partııanyń jańa saıası platformasynyń qabyldanýyna oraı, partııanyń 2030 jylǵa deıingi saıası tuǵyrnamasy men baǵdarlamasynyń kúshin joıý usynylyp otyr», - dedi partııanyń atqarýshy hatshysy Ashat Oralov.
Osydan keıin sezd delegattary usynystardy qoldap daýys berdi.
Partııa basshysy – QR Parlamenti Májilisiniń tóraǵasy Erlan Qoshanov jańa tuǵyrnamanyń basty qaǵıdasyn aıtty.
«Jalpy, búgingi sezdi tarıhı sezd dep aıtýǵa tolyq qaqymyz bar. Biz partııanyń jańa Saıası tuǵyrnamasyn qabyldadyq. Onyń basty qaǵıdasy – adam, qoǵam jáne memleket. Ondaǵy prıntsıpter Prezıdentimizdiń saıası reformalarymen úndes ári sabaqtas. Partııa aldaǵy qyzmetinde osy ustanymdardy basshylyqqa alady», - dedi Erlan Qoshanov.
Partııa basshysy atalǵan tuǵyrnamany daıyndaýǵa partııanyń óńirlerdegi músheleri belsene qatysqanyn basa aıtty.
«Sol úshin barshańyzǵa rızashylyǵymdy bildiremin. Endigi kezekte tuǵyrnama eldiń maqsat-múddesine saı jumys jasaýy kerek. Ony tolyq júzege asyrý úshin biz barlyǵymyz bir kisideı atsalysýymyz qajet», - dedi ol.
